Guerreiro do Caos / Caracortada

Montaxe e pintura: Seguimos rizando o rizo. Había unha cabeza única na matriz do Caos que viña sendo nin mais nin menos que unha fusión de duas cabezas. Ideal para un mutante, para mostrar o que a terrible distorsión do Caos fai nos corpos dos pobres mortais. Un diamante en bruto. Pero non sei por qué, non me acababa de convencer. Era moi especial, si, pero.. joer, tódalas caixas de guerreiros do Caos traen esa cabeza mutante! Tódolos frikis do mundillo que se precien de selo usarían esas cabeza e poñerian a figura na primeira fila do seu batallón.. nah, era tan especial que non me servía tal cal viña. Había que aplicarlle un pouco máis de Caos extra..
Partín a cabeza á metade, e usei a parte boa desta maneira. O corte pinteino de vermello e dinlle apariencia deso, dun corte. Quería "pintarlle" un coágulo de sangue colgando, pero quedou tal gotón na punta do arame que usei que decidín que ese ben podía ser o ollo que faltaba.
Polo demáis usei a sua expresión asustada para facer como que sinalaba algo coa espada (máis visual que sinalar cun martelo ou machado).

Historia: Esta é a típica miniatura que todo o mundo mira varias veces e lle fai gracia dende calquera ángulo. Metina con calzador nun par de escaramuzas (a ver se o adivinades, como Irmán!) e pouco máis hai que contar dela, por desgracia.

Guerreiro do Caos / Salto

Montaxe e pintura: Esta miniatura porta o outro par de pernas especiais da caixa, esas que non teñen os dous pés á mesma altura. Pareceravos unha tontería, pero cousiñas coma son a única fonte de variabilidade xenética aparte do cristo que poida armar eu con elas cando as monte. Nesta ocasión o pé que se apoia na pena é o outro, facendo que o dereito quede no aire nunha tipica postura de "vouche dar con ganas". Para potenciala fixenlle arrebolar esa maza con pinxos lista para asestar un bo golpe, e o outro brazo deixeillo para tarefas defensivas con ese pequeno escudo orco.

Historia: Esta miniatura tiñao todo para triunfar, pero pasou o de sempre.. na banda de poseidos non habia sitio para ela. Miniatura de recheo para Irmáns foi o seu triste destino.

Magister

Montaxe e pintura: Algo me decía que esa cabeziña con cornos de cabra estaba chamada a grandes cousas. Debeu ser que era unha das pezas únicas da caixa o que me motivou. Monteina pensando que sería o líder da banda, o Magister. Por moi versado que estivera nas artes máxicas segundo o perfil das reglas de Mordheim, non pensaba porlle nas mans unha vara de eucalipto ou similar. ¿Por qué non vai poder facer maxia con dous coitelos de carniceiro? De manufactura orca, ademáis. Eso si que era un mago feito e dereito. Como distintivo de grao adorneino cunha capa standard. Cumplía mal que ben o seu cometido, pero non acababa de inspirar temor ó inimigo e respeto entre a tropa. Tempo andando volvín a el e fixenlle una amaños. Sustituín a vella capa por unha de papel-periódico recuberta con algodón, máis acorde cos tempos que corrían e que de paso tapaba a azul armadura que portaba (por algo lle chamaban papapitufo nos barracóns cando non miraba). Tamén tiven que abrirlle unha abertura para os cornos, e por último dinlle un toque de apestado pegandolle sobre a capa cachos de porlespan chamuscado, todo elo ben regado de pintura negra, por suposto.

Historia: Poucas miniaturas teñen tantas amargas batallas sobre as suas costas coma ésta. Manter a disciplina na tropa consumía sempre tódolos seus esforzos intelectuais, asi que as suas ordes non brillaban pola sua coherencia e eficacia. Eso si, non se pode dicir que non os tivera atados ben curto. Recordo unha vez que andando de tellado en tellado polas ruinosas ruas de Mordheim a este lumbrera lle pareceu que era capaz de saltar unha incerta distancia vertical (coa gravidade a favor) e sen pensalo dúas veces se botou ó vacio ante a incrédula mirada de propios e extraños. Os dados non foron propicios e o moi besta tragouse uns cantos impactos directos contra o duro e frio chan quedando aturdido. Os seus fieles seguidores, vendo a heroica acción do seu amo, non quedaron de brazos cruzados e imitárono con idéntica fortuna. Só cando o montón de corpos destrozados superaba ó que quedaba de banda (e tamén polas risotadas de súplica dos meus colegas de xogo) se dediciu dar o turno por perdido e buscar algún outro camiño menos directo pero máis venturoso.
Outro exemplo da malevolencia coa que os caprichosos deuses do Caos nos castigaban unha e outra vez vese no tipo de maxia que o penoso Magister elexía aprender antes de adentrarse nas ruinas da cidade. Sempre o seu dedo se paraba nun maldito conxuro que consistía en cortarse as venas diante do estupefacto rival para que unha especie de sangue ácida o golpease. Podédesvos imaxinar que o chorro, coma tódolos chorros do Caos, se dirixía a calquer lado excepto onde se supoñía que debía ir. E encima o Magister quedaba de novo aturdido pola inutil perda de sangue. Outras veces tocaba saberse o maravilloso feitizo de levitación, co que o meu valeroso Xefe se transformaba nun amorfo Cupido que surcaba os ceos da cidade maldita armado co seu arco mortífero (nunca unha arma foi tan inofensiva). A mellor arma que portou este enxendro foron esas duas lanzas que mercou a prezo de saldo e que lle daban 5 ataques a quen fose que se lle achegase. ¿E de que vale invocar ó teu señor escuro para que te aplaste coma un gusano antes inda de pedirlle o seu favor? O único que de verdade facía ben o meu Magister era sacrificar mendigos, neso sempre foi un verdadeiro crack.

Bárbaro do Caos / Caldeiro de Sangue

Montaxe e pintura: O normal é ter unha idea e buscar logo os medios co que plasmala, pero cando se trata de miniaturas a min soe pasarme ó revés: teño un cento de pezas aparentemente inservibles e fago por buscarlles algunha utilidade. Na caixa dos guerreiros do Caos vén unha especie de tambor que non penso endosarlle a ningunha das miñas figuriñas a non ser que me volva tolo de remate e queira fomar con elas unha banda de gaiteiros. Acumulaba xa 4 deses malditos tamboriles cando decidín que dalgún xeito tiña que darlles uso. Sen a tapa semellaba un caldeiro, un caldeiro do Caos so pode conter a sangue dos inimigos, e coa sangue dos inimigos só se pode facer unha cousa: bebela ata reventar! E falando de sangue, supoño que vos fixariades que non parece pintura.. efectivamente, non o é. É esmalte de uñas.

Historia: Esta miniatura naceu no 2009, da caixa que me comprei por ebay de bárbaros do Caos, asi que non tivo ocasión de entrar en batalla ainda. Pensaredes que non está preparada para o combate, pero que pode asustar máis ó inimigo (en Mordheim meter medo é básico) que unha boa demostración innecesaria de macabra brutalidade coma esta?

Con pezas soltas / Boromir

Montaxe e pintura: Aparte da estética Nazgul, coas suas túnicas negras, e quería tamén poder "moldear" con plastilina e periódico miniaturas de aspecto máis humano. Para o caso, desta vez pintei a capa de cor marrón (os pliegues aprécianse bastante mellor asi) e as pezas dos brazos tamen están aceptablemente coloreadas. Pero o verdadeiramente especial (para min) desta figura é a cabeza, con ese pelo "realista" (mezcla de algodón e mezcla de pelo dun troll rosa de peluche que había por aí). O rostro, coa sua barbiña e perilla recórdame a Boromir.

Historia: Participou nalguha escaramuza Mordheimniana, pero polo seu aspecto tan "humano" sempre foi algo menospreciada polo resto de miniaturas da caixa.

Guerreiro do Caos / Maza

Montaxe e pintura: Asi como non me gusta repetir cabezas tampouco me agrada que varias figuras porten as mesmas armas. Sobretodo cando as armas a elexir son de baixo calibre. Non lle penso meter a un dos meus guerreiros unha espada curta ou un machado de facer leña... como van defender o meu glorioso estandarte con esas mingurrias bélicas? Nada diso, que para eso está o departamento de ideas caóticas deseñando prototipos de armamento sen parar. Este é un deles. O mango dun portaestandarte reconvertido en maza con pinchos. Manexable non será, pero como te pille...
Para o montaxe final tiven que recortar e pegar as mans (algo se nota), e como guinda para a miniatura espeteille tres anacos de palillos redondos nas costas, para darlle un aire punki.

Historia: Pola sua pinta de brutote empregueino varias veces como home besta antes de facerme cos servizos dos lobos de Confrontation. Despois deso tivo unha vida tan tranquiila coma a maioria das miniaturas que non entraban no perfil da banda de poseidos de Mordheim.

Alma Escura / Estandarte

Montaxe e pintura: Cando empecei a usar periódico para facer capas vin que as rugosidades do papel non eran suficientes para dar aspecto de "roupa raída" que quería conseguir. Solucioneino pegandolle por encima (viva o superglue!) febras de algodón que moi facilmente se embebian no papel coa pintura. O resultado recordábame moito ás túnicas dos Nazgul, asi que probei a facer unha serie de minituras con corpo de plastilina recubertas de periodico e algodón. Esta é unha delas, "armado" só co portaestandarte, en plan director de orquesta. Ten 3 pezas: os dous brazos e unha cabeza que non se ve pero que está aí.

Historia: Cando quixen probar a meter Almas Escuras na banda (ó principio non me convencian os seus atributos) este tipo de miniaturas foron as ideais para representalas. Ésta ademáis podíame facer o papel de Magister da banda en caso de que o titular se negase a cumplir coa sua obligación.

Guerreiro do Caos / Telaraña

Montaxe e pintura: Esta foi unha das primeiras que montei. Xa apuntaba maneras, jeje.. Brazos de orcos, armadura azul, espada ás costas e esa maraña de fios rodeándoo.. Gústame mezclar pezas, e tiña a man eses brazos orcos que non dubidei en utilizar para darlle colorido á miña colección de guerreiros de Caos. Unha vez montada fixeime que os brazos orcos eran larguisimos e encima con esa pedazo maza pinchuda ainda abultaba máis, e eso unido á actitude xeral da figura me fixo pensar en alguén que tenta zafarse de algo que lle molesta. Dito e feito, comecei a envolvelo en fio tal que se nunha telaraña caera. O resultado convenceume, e completeino con esa cor fosforita para darlle ainda máis estravagancia ó asunto. O certo é que non pintei moitas máis miniaturas de azul despois desta.

Historia: A pesar da coña que tiña ver a este guerreiro deambular pola mesa enzarzado nos fios non usei demasiado esta miniatura. Nen sequera daba ben a pega como Irmán poseido..

Guerreiro do Caos / Skeletor

Montaxe e pintura: Me puxera como me puxera sempre iba ter que repetir algunha cabeza ó montar as miniaturas. Eso non me mola nada. A min gústame a variedade, facer cada miniatura diferente ás demáis. Por eso utilicei como cabeza esta especie de calavera metálica sen ningun reparo. Paréceseme a un terminator ou a Skeletor, non? Pinteino de cor dourado case uniforme para acentuar esa apariencia metalica (non qeria abusar do mithril, porque o levan case tódalas miniaturas en gran medida). Ó rematar engadinlle unha capa de medio lado que cubre a man do coitelo facendo como se o levase agochado. Tamen adornei un pouco a peana con papel de periódico, porque estaba vendo que en xeral as estaba deixando bastante sosas.

Historia: Esta criatura con aspecto mecánico non pintaba moito entre os Poseidos, asi que apenas participou algunha vez nunha partida. Unha figura de recheo para cando me sobraban moedas que gastar en Irmáns.

Alma Escura / Movemento

Montaxe e pintura: Cansado de ver sempre o mesmo tipo de miniaturas estáticas quixen a toda costa montar unha con movemento incorporado, en plena acción. Utilicei para eso un tipo de montaxe que acababa de probar exitosamente noutras miniaturas. Nunha peana peguei un cacho de plastilina que recubrin con papel de periódico. Todo eso ben regado con superglue para que se fixara e endurecera. Despois peguei nos lugares apropiados a cabeza e os dous brazos elexidos tentando moldear (gracias a que a plastilina ainda era deformable) o corpo para darlle ese toque de dinamisno buscado. O periodico axudou a darle voo á escena e a "tapar" as imperfeccions que xurdian no proceso. As pezas visibles dinlles unha man de mithril e por último un bo lavado en negro para escurecer calquer rastro dos anuncios por palabras (o periodico chupa ben a pintura) e darlle aspecto tétrico e escuro á figura. A espada é transformada, un cacho de matriz afiada, se recordo ben. E o brazo tamen foi "estirado" artificialmente para a ocasión.

Historia: Sendo das miniaturas "recentes" non lle deu tempo a esta figura de acumular méritos, soamente participou unha vez como Irmán ou Alma escura nalgunha partidilla solta de Mordheim.

Mutante / Cthulhu

Montaxe e pintura: Había tres pares de pernas no kit de guerreiros do Caos que en canto as vin me din conta das grandes posibilidades que tiñan. O que pasaba con estas extremidades era que se se colocaban de forma "normal" os pes non quedaban ó mesmo nivel. Lonxe de ser un problema, esto era toda unha estimulante novidade que aproveitei montando a miniatura na peana "coma se a rompese dun pisotón" (tiven que rompela eu; e con bastante esforzo, por certo). Gustoume o resultado e tiven claro que esta sería unha figura especial, asi que a destinei a ser un dos Mutantes da banda. Para facelo máis gráfico endoseille ese tentáculo tan curriño e pinteille a cara coma se acabase de sacala dun pote de aceite fervendo. A outra arma é un machado normal e nas costas ateille unha espada orca "por se a necesitaba".

Historia: Cthulhu (asi o bauticei) foi un dos meus fieis Mutantes de sempre. Sen ningunha fazaña digna de mención, pero cumplidor na batalla. A mutación lóxica que lle tocaba era a de "tentáculo", pero non me gustaba a relación calidade precio e sempre me acababa decantando polo "rabo do alacrán", que ben mirado non lle acae tan mal. O mellor dos mutantes é que eran "heroes" (como Poseidos e o Magister), pois non tiñan nada especial aparte de poder empezar cunha mutación, as cales había que pagar a prezo de ouro (valían máis que o Mutante en cuestión).

Guerreiro do Caos / Calaveras

Montaxe e pintura: Da miña primeira caixa de guerreiros do Caos. Quixen poñerlle duas enormes armas a este enxendro, pero non me gustaban as alabardas de serie, asi que tiven que improvisar. Unha delas, é unha alabarda transformada nun gran machado. A outra é o mango do portaestandarte con duas pezas do outro tipo de alabarda que traia a caixa formando unha especie de alabarda doble da que colgan un par de calaveras. O pintado non ten nada de especial.. mithril, dourado, algun gris para dar toque escuro, e moito sangue. Por ultimo o tipico lavado en negro e lista para matar ou morrer.

Historia: Dentro da banda de Poseidos tivo un par de intervencións como home besta (podedelo crer?) e despois como Irman Poseido, de recheo. Tede en conta que o unico que tiña para facer toda a banda era a caixa estandar de guerreiros do Caos.

Tigre de Dirz

Montaxe e Pintura: Miniatura de metal, montada practicamente da unica maneira posible e pintada, como non, con moito vermello e sen ningunha contemplación. Algo de blanco grisaceo para os ósos e a cachola/cráneo (as pinturas son caras, eh!) e alguns anaquiños que foron caendo a pesar da capa de barniz debido a diversos "accidentes".

Historia: En xeral non me gustan as miniaturas de Confrontation pola sua obstinación en aplicar a tódalas figuras o mesmo deseño recargado de adornos en forma de espiral e similar. Pero hai casos, como pasa co Tigre de Driz, nos que lles queda medianamente ben o producto final.
Estaba pensando en fichar para a banda de Poseídos algún Mastín do Caos e cando vin os susoditos Tigres díxenme que éstes bichos si que se merecían un posto dentro da miña estrambótica banda. Asi que merquei este exemplar e useino como cadelo caótico nun par de partidas. Por desgracia (para el) non me acabou de convecer o rol do mastín dentro da banda e deixei de usalo. Máis adiante fixo as veces de montura para un dos meus mutantes (Reos), e aí si que me gustou.. pena que non sexa moi común ver xinetes en Mordheim.
Tralo seu breve momento de gloria a miniatura quedou un tempo apartada ata que a elexín como regalo para a miña parella. Estaba un pouco desubicada con respecto ás demáis miniaturas (ser de Confrotation qeiras que non pasa factura) pero era demasiado "bonita" como para darlle uso "cero". Algúns puristas pensaredes que non foi un regalo adecuado pola sua vida pasada. Que non se pode regalar algo que un xa tivo X tempo.. bah, pamplinas! Precisamente pola sua historia significa máis para min que calquer miniatura recén comprada..
Sen embargo, hai quen insiste en despertalo do seu letargo á minima oportunidade para incluiío como mastín do Caos en certa banda de Homes Besta.